精明債券

精明債券
出自維基百科，自由嘅百科全書
跳去: 定向, 搵嘢

精明債券（Octavenotes，精債）係種信貸掛鈎、結構性金融貨，摩根士丹利（Morgan Stanley）賣咗兩百幾億噉嘅嘢，用啲無向投資者公布嘅資產（風險高低都有）做抵押，包括藍籌大公司、大細國、CDO[8]，基本原理係投資人幫大行做擔保，間中收下息，當其中抵押公司資產爆幾間，本金就會蝕一闕；幾間抵押資產摺埋爆煲，發行人有權強制甚至無償贖回[1]，股民可能一個仙都攞唔返。如果想賣出，而家呢啲嘢市價跌幅高達99%。[2]。

賣呢挺嘢嘅係大摩經空殼公司 Victoria Peak International Finance，發行章程雖然被證監會審批，但用咗好多財經行話[3]，其中風險普通街坊難明解，抵押品評級係乜又要事後至知[4]。

10-12系列嘅精債同雷曼兄弟掛鈎，一早爆咗[5]；有投資者自己用6% 起賠點（en:attachment point）同6.75%止賠點（en:detachment point）計，15,16,17系列再爆一間零就玩完[6]。

因為風險大，呢味嘢喺美國淨係准賣畀機構投資者，但香港證監會唔管，阿婆阿伯都買到，結果有人領嘢。