林建明指銀行「揀人嚟畀面」

【本報訊】曾蔭權弟婦投資雷曼迷債的損失獲得銀行提早賠償，其他過去一年來不斷上街遊行申訴，辛苦追討血汗積蓄的雷曼苦主都極表不滿，認為事件「好唔公道」，必須徹查是否有人運用特權而獲得優待。有苦主更質疑曾蔭權為何一直無向外公開自己的親人是雷曼投資者。投資了千多萬元購買雷曼產品的藝人林建明，今年 7月 1日參加遊行爭取賠償，較早前才能根據集體賠償方案取回 6成迷債投資，但其他掛鈎票據投資仍未有着落。她指特首弟婦獲提早賠償，肯定是銀行「要做擦鞋仔，大細超」。林建明表示，在過去一年多與銀行交涉過程中，銀行一味推卸責任，分毫都不想賠償，「銀行揀人嚟畀面，真係好衰格！」她認為相關銀行應主動交代事件。
苦主質疑冇公開申報
中銀的雷曼迷債苦主 Tracy亦不滿地說：「對我哋好唔公道。」她質疑曾蔭權為何一直無向外公開自己的親人是雷曼投資者，令人懷疑背後另有內情，甚至可能有人運用特權解決事件。對於曾蔭權自稱不知道弟婦透過議員向銀行追討賠償，她認為難以置信，「佢乜都話唔知，親家賣慳電膽佢又話唔知！」向渣打銀行購買了雷曼產品的黃小姐對事件更感氣憤，她指「曾蔭權個妹就係渣打高層，渣打係咁多銀行之中態度最差嘅，傾都費事同你傾」。她認為，如果因為有特殊身份就可以獲得提早賠償，對其他苦主非常不公平，「特首個親戚就可以快啲搞掂，我哋就日曬雨淋都冇人理。」她認為一定要徹查事件，還她們一個公道。苦主尤先生也認為，「家仍然有好多苦主未得到應有嘅賠償，爭取咁耐都係零，如果特首親戚有特權，真係好唔公道，應該要調查清楚。」